Minisiteri y’Ubuzima mu Rwanda kuri uyu wa 9 Ukwakira 2020 yatangaje ko Umunyarwandakazi w’imyaka 41 y’amavuko yishwe n’icyorezo cya Covid-19. Ni mu gihe abanduye biyongereyeho 5, babonetse mu bipimo 963 byafashwe.
Uyu abaye uwa 30 wishwe n’iki cyorezo kuva cyagera mu Rwanda muri Werurwe 2020, akaba yapfiriye mu mujyi wa Kigali.
Abanduye barimo 3 babonetse mu mujyi wa Kigali, uwabonetse mu Karere ka Rubavu n’undi wabonetse mu Karere ka Musanze.
Abamaze gukira iki cyorezo ni 3555 barimo 13 b’uyu munsi, abakirwaye bo ni 1305. Abamaze kugaragaraho iki cyorezo muri rusange ni 4890 mu bipimo 514,081 byafashwe muri rusange.
