Impano y’umuti wa Covid-Organics Perezida wa Madagascar, Andry Rajoelina yemeje ko uvura indwara y’icyorezo ya Covid-19, kuri uyu wa 7 Gicurasi 2020 yageze muri Repubulika Iharanira Demukarasi ya Congo.
Uyu muti nk’uko 7sur7 yabitangaje, washyikirijwe Ikigo cya RDC gishinzwe ubushakashatsi, INRB (Institut National de Recherche BiomĂ©dicale (INRB) ipakiye mu dukarito.
Tariki ya 20 Mata ni bwo Perezida Rajoelina yamuritse uyu muti ukomoka ku kimera cya Artemisia kiboneka muri Madagascar. Yatangaje ku mugaragaro ko uvura iyi ndwara ibihugu n’abahanga batandukanye bagishakira umuti n’urukingo.
Muri uko kwezi, Perezida FĂ©lix Tshisekedi wa RDC na Rajoelina bagiranye ikiganiro bifashishije uburyo bw’ikoranabuhanga, amushimira intambwe iki gihugu kimaze gutera.
Perezida Rajoelina yemeye guha uyu muti igihugu icyo ari cyo cyose cyawifuza ku mugabane w’Afurika. Niger ni yo iherutse kuwushyikirizwa, mu gihe hari ibindi bihugu nka Tanzania byagaragaje ko biwifuza ndetse n’ibirimo Guinea byamaze kuwuhabwa.
