Igisirikare cya Ethiopia cyongeye kwigarurira agace ka Debre Zebit, k’ingenzi ku karere ka Amhara, kari kari mu maboko y’inyeshyamba z’umutwe wa TPLF.
Aka gace kigaruriwe nyuma yo kugasukaho ibisasu bya bombe mbere y’uko ingabo za Ethiopia zifatanyije n’abarwanyi bo muri Amhara zitsinsura abarwanyi ba TPLF muri Debre Zebit n’ahandi hahakikije.
Ibiro Ntaramakuru Nyafurika, APANews bivuga ko TPLF yari yashinze ibirindiro bikomeye muri Debre Zebit nyuma yo kwirukanwa mu bice bya Nefas Mewucha, Gondar y’Amajyepfo, Gashena na Kimer Dingay nk’uko byemejwe na Komiseri wa polisi muri Amhara.
Nyuma yo kumishwaho ibisasu bya bombe n’igisirikare cya Ethiopia, TPLF bivugwa ko yakoze igikorwa cya gisirikare mu majyaruguru y’uburengerazuba igerageza kujya muri Sudani.
Kurikira ibiganiro n’amavidewo binyura kuri Bwiza TV
