Umuyobozi mukuru wa polisi ya Sudani y’Epfo yagiriye uruzinduko rw’iminsi ibiri mu Rwanda, rugamije gushimangira imikoranire myiza hagati ya polisi z’ibihugu byombi.
Mu gitondo cyo kuri uyu wa Kane tariki ya 29 Werurwe 2018, nibwo uyu muyobozi wa Polisi ya Sudani y’Epfo, IGP Gen.Majak Akec Malok yakiriwe n’umuyobozi wa Polisi y’u Rwanda IGP Emmanuel K. Gasana n’abandi bayobozi muri Polisi ku cyicaro cyayo ku Kacyiru.
Mu biganiro abayobozi ba polisi z’ibi bihugu bagiranye, hibaznwe ku guhanahana amakuru no kurwanya ibyaha ndengamipaka no kurushaho gushimangira umubano izi polisi zombi zifitanye.
IGP Gen.Majak Akec Malok, ati “u Rwanda na polisi ya Sudani y’Epfo twishimira umubano uri hagati yacu, twese twiyemeje kuwusigasira kugera ku rwego rwo hejuru, dushishikajwe no gukomeza ubufatanye hagati y’ibihugu byombi ku bw’inyungu z’abaturage bacu”.
Nyuma yo kwakirwa, IGP Gen Majak Akec Malok, yasuye ikigo Isange One Stop Center ku Kacyiru asobanurirwa ingamba za polisi y’u Rwanda mu kurwanya ihohoterwa rishingiye ku gitsina n’irikorerwa abana ndetse n’ubufasha Polisi iha abahohotewe.
Majak Akec Malok n’ikipe yamuherekeje, banasuye urwibutso cya Jenoside rwa Kigali ruri ku Gisozi.
Kanda kuri SUBSCRIBE ujye ubona ibiganiro n’indirimbo bishya
