Mu iteka ry’intara ryashyizwe ahagaragara kuri uyu wa Kane, itariki ya 24 Gashyantare 2022, Guverineri w’Intara ya Kivu y’Amajyepfo, Théo Ngwabidje Kasi yatangaje isubizwa ku mirimo ye ry’umuyobozi w’Umujyi wa Bukavu wari wahagaritswe by’agateganyo, kubera ko igihe ntarengwa cyo gufatirwa ibihano cyarenze.
Iteka ryatanzwe n’ubuyobozi bw’intara ryoherejwe kuri 7SUR7.CD rigira riti: “Urebye ko igihe cyo guhagarika Bilubi Ulengabo cyarangiye, ihagarikwa ry’agateganyo ry’umuyobozi w’umujyi wa Bukavu, Bilubi Ulengabo, rivuyeho.”
Iyi nkuru yibutsa ko ku itariki ya 11 Mutarama 2021, ari bwo Guverineri Théo Ngwabidje yashyize umukono ku cyemezo cyo guhagarika umuyobozi wa Bukavu Bilubi Ulengabo.
Yashinjwaga gucunga nabi imari n’ubuyobozi, kugurisha mu buryo butemewe ibibanza bya Leta ndetse n’uburangare bukabije mu gushyira mu bikorwa itegeko ry’intara ryerekeye isuku y’imijyi.
