Urusaku rw’amasasu hataramenyekana impamvu yarwo rwumvikanye kuri uyu wa Mbere, itariki ya 1 Ukuboza, hafi y’ikibuga cy’indege gito (aérodrome)cya Kigoma mu Muri Walikale centre.
Amakuru aturuka aho agera kuri ACTUALITE.CD avuga ko urusaku rw’intwaro nto rwumvikanye ahagana mu ma saa kumi n’imwe z’umugoroba ku isaha yaho, rwamaze igice cy’isaha. Nta mpamvu n’imwe yatanzwe y’ayo masasu.
Urusaku rw’amasasu rwateje abaturage ubwoba, aho bivugwa ko mu mvura yari irimo kugwa, imiryango myinshi yatangiye guhunga, itinya ko ari igitero gikomeye. Abatuye mu duce twa Kigoma na Camp TP, hafi yikibuga cy’indege, bifungiranye mu ngo zabo.
Avugana na ACTUALITE.CD, Umuvugizi w’Akarere ka 34 ka Gisirikare muri FARDC yahamagariye abaturage gutuza. Major Dieudonné Kasereka yasezeranije gutanga ibisobanuro birambuye kuri iki kibazo mu masaha ari imbere.
