Raporo y’umwaka w’2019/2020 ya Obadiah Biraro, Umugenzuzi Mukuru w’Imari ya Leta, yagaragaje ko ikigo cy’igihugu gishinzwe imiturire, RHA, cyasesaguye umutungo, gikodeshereza Urukiko rw’Ikirenga inyubako yishyurwa amafaranga y’u Rwanda 117,261,000 buri kwezi.
Byagaragajwe na Komisiyo y’Inteko Ishinga Amategeko ishinzwe gukurikirana imikoreshereze y’umutungo wa Leta, PAC, kuri uyu wa Gatatu tariki ya 8 Nzeri 2021.
PAC ibajije RHA impamvu y’iri sesagura, Umuyobozi Mukuru w’iki kigo, Nshimyumuremyi Felix yemeye ko koko mu gukodeshereza Urukiko rw’Ikirenga iyi inyubako habayemo amakosa kuko mu itangwa ry’isoko habuzemo ushinzwe amategeko n’akanama gashinzwe amasoko, impande z’ingenzi zagombaga kugiramo uruhare.
RHA ivuga ko aya makosa yakozwe “n’ubuyobozi”.
