Urukiko rusesa imanza rwo mu Bufaransa kuri uyu wa 30 Nzeri 2020, rwemeje ko Kabuga Félicien yoherezwa mu rwego rwa UN rwasigariyeho Urukiko Mpuzamahanga Mpanabyaha rwashyiriweho u Rwanda (IRMCT) , i Arusha muri Tanzania.
Iki cyemezo cyaje kivuguza ubusabe bw’abunganira uyu musaza, basabaga ko yaburanishirizwa mu Bufaransa yafatiwe, bitewe n’ubuzima bwe budahagaze neza.
Bisobanuye ko Kabuga ukurikirwanweho uruhare muri jenoside yakorewe Abatutsi mu 1994, agomba kuburanishirizwa muri iki gihugu gihana imbibi n’u Rwanda, ku ruhande rw’uburasirazuba.
Nk’uko leta y’u Bufaransa yabisabwe, Kabuga Félicien agomba kuba yagejejwe i Arusha mu gihe kitarenze ukwezi.
Kabuga Félicien wari umaze imyaka igera kuri 25 ari mu buhungiro, yafatiwe i Paris mu Bufaransa tariki ya 16 Gicurasi 2020, agace ka Asnières-sur-Seine yafatiwemo akaba yari akamazemo imyaka itatu.
