Ikipe ya Rayon Sports yashyize hanze urutonde rw’abakinnyi 18 igomba kwifashisha mu mukino urayihuza n’ikipe ya Bugesera FC.
Ni umukino wa 19 wa Shampiyona y’ikiciro cy’umupira w’amaguru mu Rwanda, uteganijwe kuba kuri uyu wa Gatanu tariki ya 8 Werurwe 2019, ku kibuga cya Etoo Nyamata.
Mu gihe Rayon Sports yaba ibashije kuvana amanota atatu kuri iki kibuga, yahita inganya amanota n’ikipe ya APR FC, ubu ifite 45 ikaba no ku mwanya wa mbere, Rayon Sports iyigwa mu ntege na 43.
Ikipe ya Bugesera iraza kuba icakirana na Rayon Sports, iri ku mwanya wa 10 n’amanota 22.
Abakinnyi 18 Iyi kipe iraza kuba yifashisha ni :Bashunga, Bukuru, Hussain, Djabel, Manzi, Mazimpaka, Sef, Gilbert, Mughen, Irambona, Rafael, Mudey, Sadam, Rutanga, Tumushime, Radu, Mutsinzi, Ulimwengo.
