Inteko Ishinga Amategeko ya Leta Zunze Ubumwe za Amerika yatoye itegeko rigamije kubuza Perezida Donald Trump kongera gufata izindi ngingo za gisirikare zo gutera igihugu cya Iran.
Iryo tegeko ryatowe ku majwi 215 (kuri batayemeje 208), nyuma y’uko abadepite bane bo mu ishyaka ry’Abarepubulikani bifatanyije n’Abademokarate mu kugaragaza ko batemera iyo ntambara yatangiye muri Gashyantare 2026.
Iyi ni inshuro ya kane abadepite bagerageje kugabanya ububasha bwa Trump bwo gutangiza intambara, aho abadashyishigikiye intambara yo muri Iran bemeza ko nta burenganzira yabiherewe n’inteko ishinga amategeko.
Biteganyijwe ko iryo tegeko rigomba kubanza kwemezwa n’inteko ishinga amategeko, umutwe wa Sena, usanzwe wiganjemo abo mu ishyaka rya Trump ry’Abarepubulikani.
Nubwo ryakwemezwa burundu ariko, ngo biragoye ko ryashobora guhagarika burundu ibikorwa bya gisirikare birimo gukorwa muri Iran nk’uko bitangazwa na BBC.
