Urwego rwa Repubulika ya Demukarasi ya Congo rushinzwe abinjira n’abasohoka, rwirukanye Abanyatanzaniya 25 babaga muri Teritwari ya Uvira mu Ntara ya Kivu y’Amajyepfo.
Aba Banyatanzaniya bakoreraga mu ruganda rutunganya isukari rwa Kiliba ruri muri Uvira, birukanywe bazira kuba muri iki gihugu mu buryo butemewe n’amategeko.
Bora Uzima uhagarariye uru rwego muri Uvira, yasobanuye ko aba Banyatanzaniya birukanywe hashingiwe ku itegeko nimero 083/33 ryo ku wa 12/9/1983 rigenga imiturire mu gihugu.
Nyuma yo kwirukanwa muri iki gihugu mu mpera z’icyumweru gishize, basubiye iwabo banyuze ku mupaka wa Kavinvira wa RDC n’u Burundi.
