Umupolisi ushinzwe umutekano wo mu muhanda (Traffic police officer) mu Mujyi wa Nairobi, yapapuwe telefoni n’umwe mu bantu batatu bari batwaye moto, asigara amanjiriwe. Video iri ku mbuga nkoranyambaga igaragaza umupolisi uri mu kazi ari kuvugira kuri telefoni ayishyize ku gutwi, abandi bantu batatu, bamunyuraho, bakayimutwara. Asigara yumiwe, ntacyo yakoze ngo bayimusubize kuko bari bamaze gutambuka izindi modoka, bagiye. Ubujura bwo kwambura amateefoni, ibikapu n’imitako mu Mujyi wa Nairobi bureze nk’uko polisi ibitangaza. VIDEWO: https://www.instagram.com/p/CRBvvfUBBlE/ Biri ku rwego rw’aho polisi ivuga ko ishaka kuzashyiraho umutwe wihariye ushinzwe kurwanya ibi byaha.
