Impuzamashyirahamwe y’umukino wa Volleyball muri Afurika, CAVB, yasubitse umukino w’irushanwa rya Africa Volley Championship riri kubera mu Rwanda wari wuhuza ikipe y’u Burundi na Burkina Faso kuri uyu wa 10 Nzeri 2021.
CAVB yafashe iki cyemezo bitewe n’ubwandu bwa Covid-19 bwabonetse mu bakinnyi b’ikipe y’u Burundi mu rwego rwo gusigasira ubuzima bw’abakinnyi, abatoza n’abandi bayoboye aya mamipe.
Uyu mukino wari kuba saa yine za mugitondo, muri Kigali Arena hari kubera iri rushanwa.
CAVB ivuga ko iza gutanga amakuru mashya kuri iki cyemezo.
