Wanafunzi zaidi ya 220,000 wameanza mitihani ya taifa ya kumaliza elimu ya msingi kwa mwaka wa masomo 2024/2025. Kati yao, wasichana ni 120,635 na wavulana 100,205.
Waziri wa Elimu, Joseph Nsengimana, alisema kuwa mitihani hii ni kipimo cha kubaini maarifa waliyopata wanafunzi na iwapo wako tayari kuendelea na masomo ya sekondari.
Aliongeza kuwa idadi ya wasichana wanaofanya mitihani hiyo imezidi ile ya wavulana, na kwamba wanafunzi wenye ulemavu wamepewa msaada wa kila aina ili waweze kushiriki kikamilifu.
Kwa sasa, wanafunzi 642 wenye ulemavu wanashiriki katika mitihani hiyo.
Mitihani ya taifa kwa ngazi ya sekondari ya chini ilianza Jumatatu, tarehe 30 Juni 2025, na itakamilika Jumatano, tarehe 3 Julai 2025. Mitihani ya sekondari ya juu inatarajiwa kuanza tarehe 9 Julai 2025.
