Mu rwego rwo gukomeza gukumira ikwirakwira ry’icyorezo cya Covid-19, Leta ya Zimbabwe yarushijeho gukaza ingamba kuri uyu wa Kabiri isaba abakozi ba leta, cyane cyane abarimu kwikingiza bakwanga bakegura ku mirimo yabo kugira ngo abantu barusheho kwitabira kwikingiza.
“Niba ukoreshwa na guverinoma, mu rwego rwo kurengera abandi ndetse n’abo ukorera, ikingize. ” uyu ni Minisitiri w’ubutabera wa Zimbabwe, Ziyambi Ziyambi kuri radiyo yaho. “Ariko niba ushaka kwemeza uburenganzira bwawe” utikingiza, “ushobora kwegura,”
Nk’uko tubikesha 20minutes.fr, Zimbabwe isanzwe yaragize itegeko kwikingiza kugirango abantu babashe kujya mu I n’ahandi hahurira abantu benshi.
Bimwe mu bigo by’abikorera nabyo byagize itegeko kwikingiza ku bakozi babyo, aho izi ngamba zitavugwaho rumwe muri iki gihugu ariko na none bigatuma ahatangirwa inkingo huzura abantu bashaka kwikingiza aho usanga kuva saa kumi z’igitondo abantu baba batonze umurongo bashaka doze imwe y’urukingo.
Ishyirahamwe ry’abakozi muri Zimbabwe ariko ryo mu kwezi gushize ryamaganye iki cyemezo cyo guhatira abakozi ba leta kwikingiza imbere y’ubutabera.
Igihugu cya Zimbabwe kikaba kibarizwamo abakozi ba leta 300,000 barimo abarimu 100,000. Miliyoni 2,7 muri miliyoni 15,000 zituye iki gihugu ni bo bamaze kubona doze ya mbere y’urukingo kugeza ubu.
Abantu basaga 125.600 nibo bamaze kwandura Covid-19, abagera ku 4,490 muri bo yarabahitanye kuva yagera mu gihugu.
