Mu 2024, gushishikazwa n’ubuhanuzi bwa Nostradamus, umuhanga mu bumenyi bw’inyenyeri uzwi cyane wo mu kinyejana cya 16, birimo kwiyongera mu gihe Isi irimo gusuzuma mu bice biyigize ibimenyetso by’ejo hazaza.
Ibyo Nostradamus yahanuye ko bizaba mu mwaka wa 2023 byari biteye ubwoba ndetse anavuga ko hashoboraga guturika igisasu cya kirimbuzi. Kubwamahirwe ntabwo byabaye ariko intambara yo muri Ukraine ntabwo irarangira nk’uko tubikesha roselalune.com.
Ni ubuhe buhanuzi bwa Nostradamus ku mwaka wa 2024?
– Hashize hafi imyaka 500, nkuko byavuzwe, Michel de Nostradame, uzwi ku izina rya Nostradamus, asohoye igitabo cye kizwi cyane yise "Ubuhanuzi", gikubiyemo ubuhanuzi 942 busa naho butangaza ejo hazaza.
– Iki gitabo gikubiyemo ubuhanuzi buteye ubwoba buvuga ku Ntambara ya Kabiri y’Isi Yose, izamuka rya Hitler na Revolution y’Abafaransa, ubwinshi muri ubwo buhanuzi bwarasohoye.
– Dukurikije raporo nyinshi, ubuhanuzi bwe burenga 70% bwabaye impamo kugeza ubu.
Dore ibyahanuwe 11 byitiriwe Nostradamus bigomba kuba mu 2024.
1. Intambara ikomeye
– Ubuhanuzi buvuga "intambara ikomeye" izaduka, kandi ko mu mezi arindwi itangiye, abantu bazapfa bazira ibikorwa byabo bibi. Buvuga ko imijyi imwe n’imwe nka Rouen na Évreux yari guhunga umwami.
– Ubuhanuzi bugaragara kandi bwerekeye amakimbirane mpuzamahanga ashobora kumara amezi menshi. Nostradamus avuga "umwanzi utukura" uzakanga "inyanja nini", ibyo bikaba byasobanurwa ko ari amakimbirane akomeje kwiyongera n’ibihugu nk’u Burusiya cyangwa u Bushinwa.
2. Ubushyuhe bukabije ku Isi
– Nostradamus yahanuye ko ubushyuhe buzakomeza kwiyongera kandi ko inyanja zizagera ku rwego rutunguranye.
– Avuga kandi ibintu bidasanzwe nk’amafi atogota mu Nyanja Yirabura ndetse n’imijyi nka Rhodes na Genoa ihura n’inzara.
– Nk’uko Nostradamus abivuga, imihindagurikire y’ikirere isanzwe yibasiye Isi iziyongera cyane mu 2023 kandi bibe ibintu bikabije kandi bidasubirwaho mu 2024.
– Hakurikijwe imirongo y’uyu muhanuzi w’Umufaransa, tuzabona impinduka nziza mu bumuntu zitazasiga ibimenyetso mu myaka igihumbi.
– Avuga ko « Iki kinyejana ntigisanzwe kandi giteye urujijo, kandi ntituzi ibizaba bitinde bitebuke ».
3. Umutingito
– Nostradamus yahanuye kandi ko umutingito ukomeye uzabera muri California umwaka utaha, kandi uzangiza byinshi ndetse ugateza n’impfu ibihumbi.
– Umurongo werekana iki cyago gikomeye ugira uti: "Ku munsi wa makumyabiri wa Taurus izuba rizanyeganyeza isi / Inzu y’ikinamico nini yuzuye izasenyuka / Ikirere, ijuru n’Isi bizacura umwijima bihinduke ibicu / ubwo imana y’ikinyoma n’abera bazatwarwa. ”
– Ibisobanuro byerekana ko "umunsi wa 20 wa Taurus" bivuga itariki ya 20 Gicurasi, igihe izuba ryinjira mu kimenyetso cya Taurus, kandi ko "Inzu y’ikinamico nini" ishobora kuba Hollywood cyangwa Los Angeles.
4. Imvururu mu Bufaransa
– Ubuhanuzi buvuga imvururu ziteye ubwoba zizabera mu mijyi ya Lyon, Marseille na Grenoble, zizaduka kubera ibibazo by’abimukira, bigatuma habaho amacakubiri ashingiye ku moko muri sosiyete.
5. Papa mushya
– Nostradamus yahanuye ko hazaza papa mushya uzasimbura Francis, kandi ko ibyo bizatera imvururu.
– Kuvuga "umusore w’uruhu rwijimye" muri uyu murongo byerekana ko papa uzaza azaba ari umukaridinali ukomoka muri Afurika cyangwa muri Aziya.
– Ibyanditswe bivuga kuri ubu buhanuzi bigira biti "Nyuma y’urupfu rwa papa ushaje cyane / Umuroma ukuzemo azatorwa / Azavugwaho guca intege icyicaro cye / Ariko azayicaraho igihe kirekire n’ibikorwa by’ubugome. "
6. Kuzamuka k’u Bushinwa
– U Bushinwa biteganyijwe ko buzaba igihangange mu bukungu ku Isi mu kinyejana cya 21, ariko nyuma bikazarangira.
7. Iyicwa ry’umuyobozi ukomeye ku Isi
– Nk’uko Nostradamus yahanuye, umuyobozi ukomeye ku Isi azicwa mu 2025, birangize intambara kandi hatangire inzira y’amahoro.
8. Ibiza bikomeye n’amapfa
– Nostradamus yahanuye ko ikiza gikomeye kizibasira u Burayi mu 2027, bigatera ubwoba ndetse no mu “bami”.
– Nostradamus yahanuye ibiza byinshi nka tsunami n’imyuzure mu 2024, bikaba bishobora kuzateza inzara ikomeye.
– Ibi bintu, nk’uko abivuga, nta cyabihagarika kandi bibaho buri gihe
– Nostradamus yaranditse ati: "Ubutaka bwumutse buzarushaho gukama / Kandi tuzabibona imyuzure ikomeye."
9. Kuvumbura isoko nshya y’ingufu
– Isoko nshya y’ingufu izatuma bishoboka kubona ingufu zitangiza ibidukikije izavumburwa mu mwaka wa 2031.
10. Kuza k’umuyobozi ukomeye
– Bivugwa ko Nostradamus yahanuye ukuza k’umuyobozi ukomeye mu 2043 uzahuza Isi kandi akazana amahoro n’amajyambere.
11. Kugwa k’umwami no guhinduka k’ubutegetsi mu Bwongereza
– Ubuhanuzi bwa nyuma bwerekeye u Bwongereza, aho Nostradamus ateganya ihirikwa ry’“umwami w’ibirwa” ku ngufu. Ubu buhanuzi bwerekana ko Charles III ashobora guhunga kandi hakaba impinduka muri politiki y’Ubwami bw’u Bwongereza.
Tanga igitekerezo