Mu gihe u Rwanda n’Isi yose bibuka ku nshuro ya 24 jenoside yakorewe Abatutsi mu 1994, iyi tariki ya 3 Gicurasi muri uyu mwaka wakorwagamo Jenoside, hari ubwicanyi bwakozweho butazibagirana mu mateka.
Nk’uko komisiyo Ishinzwe kurwanya jenoside (CNLG) ibicishije ku rukuta rwayo rwa twitter, ibitangaza, ngo iyi tariki ya 3 Gicurasi mu 1994, abana 72 bari barokotse ubwicanyi bwo kuri Homme St Jean biciwe mu bitaro bya Kibuye.
I Kibirizi muri Butare, hishwe abagore bagera kuri 445 . Interahamwe z’i Kibirizi zari zarashutse abagore b’Abatutsikazi b’i kibirizi ko zibarinda kuko nta mabwiriza ngo zahawe yo kwica abagore n’abakobwa, zibakusanyiriza hamwe mu nzu yahoze ari ibambiro ry’impu.
Hagiye hiyongeraho abagore n’abakobwa batangiriraga mu nzira batari ab’i Kibirizi bashakaga guhungira i Burundi, bababwira ko babashyira hamwe n’abandi kugira ngo bashobora kurinda umutekano wabo, bose hamwe bagera kuri 445 barishwe.
Kanda kuri SUBSCRIBE ujye ubona ibiganiro n’indirimbo bishya
