Mu mateka yako ya mbere, akanama k’umutekano ka ONU katoye umwanzuro wo guhana abasirikare ba ONU bagaragayeho ibyaha by’ihohotera rishingiye ku gitsina. Ibi bihano bizajya bihanishwa ibihugu byohereje aba basirikare ikintu kitishimiwe n’ibi bihugu. Uyu mwanzuro uvugwaho kudaca mu kuri ukaba warateguwe na Leta Zunze Ubumwe za Amerika.
Uyu mwanzuro mushya uvuga ko abasirikare ba ONU bose bagaragayeho ibyaha by’ihohotera rishingiye ku gitsina bazahita birukanwa mu ngabo zishinzwe kugarura amahoro, ibihugu byabohereje nabyo bikabafatira ibihano byihariye bitabikora bigahita byirukanwa mu bihugu burundu mu bihugu bizajya byohereza ingabo mu butumwa bw’amahoro.
Uyu mwanzuro abanya Misiri bo bavuga ko udashingiye ku kuri dore ko bo bifuzaga ko abafatiwe muri ibi byaha bajyababitangira amande.
Uyu mwanzuro watowe ku majwi 14, uruhande rw’abanya Misiri rurifata. Abasesenguzi baganiriye na Radio RFI bavuze ko iri torwa ry’uyu mwanzuro ryagaragaje ko akaruta akandi kakamira koko.
Bakaba bashingiye ko ibihugu by’ibihangange bitanga umubare muto w’abasirikare ariko bigatanga inkunga nini muri ONU aribyo uyu mwanzuro wafashwe wabogamiyeho uhengamira ku bihugu bikennye byakuraga amafaranga yo kubitunga mu kohereza umubare munini w’ingabo.
Abadipolomate batandukanye bagaragaje ko umwanzuro nk’uyu ari uwo kubaca intege kandi mu gihe kitarambiranye bazabona ingaruka yawo nihatangira kugaragara ikibazo cyo kubura umubare uhagije w’ingabo zoherezwa mu butumwa bw’amahoro .
Kanda hano ujye ubona amakuru yihuse kandi kugihe kuri Facebook no kuri twitter
Alphonse Munyankindi/ Bwiza.com
