Ku kibuga cy’indege cy’i Douala muri Cameroun, hafatiwe ibiro bitatu by’ibiyobyabwenge byo mu bwoko bwa ‘Methamphetamine’ bikaba byari bihishe mu ishusho ikoreshwa na bamwe mu bemera kiristu nk’urwibutso rwa Bikira Mariya.
Iyi shusho yari yinjijwe muri Cameroun, yari ukuwe muri Philippine, yacishijwe mu nzira y’iposita.
Umuyobozi w’ikipe y’abashinzwe gusaka ku kibuga cy’indege cy’i Douala, Roger Tafam yagize ati “Uwo mutwaro wari woherejwe i Yaounde binyuze mu iposita, icyo kiyobyabwenge cyari gihishe mu ishusho isobanura Bikira Mariya”.
Umukozi ushinzwe gusaka imitwaro n’impapuro zicishwa mu iposita, ngo niwe watahuye icyo kiyobyabwenge cyari cyahishwe muri iyo shusho.
Ikinyamakuru Africa360, gitangaza ko atari ubwa mbere kuri iki kibiga cy’indege hafatiwe ibiyobyabwenge, aho mu 2016 hafatiwe ibiro 100 byo mu bwoko butandukanye byoherejwe i Kuala Lumpur.
