Leta ya Perezida Trump wa Leta Zunze Ubumwe za Amerika, yatangaje ko gereza ya Guantanamo yongerewe ikindi gihe cy’imyaka 25 cyo kubaho, mu gihe Leta ya Obama yari yemeje ko iyi gereza yahagarikwa.
Perezida Barack Obama wahoze ayoboye Leta Zunze Ubumwe za Amerika yari yaremeje ko gereza ya gisirikare y’i Guantanamo Bay, muri Cuba yasenywa, ariko ikaba igiye gukomeza gukora kugera mu myaka 25 nk’uko Perezida Trump yabitangaje ku wa Kabiri tariki ya 16 Ukwakira 2018.
Umuyobozi w’iyi gereza, Rear Admiral John Ring yavuze ko iyi gereza ifungiyemo abashinjwa iterabwoba ryabaye muri Amerika mu kwezi kwa Cyenda tariki ya 11 mu 2001.
Minisiteri y’Ingabo muri Leta Zunze Ubumwe za Amerika kuri Leta ya Perezida Donald Trump, ngo niyo yahagaritse ingingo yafashwe na Obama, nk’uko uyu uyiyoboye abitangaza.
Nk’uko VOA ibitangaza, ngo Kuva mu mwaka wa 2008, Guantanamo ntirongera kwakira izindi mbohe nshya, muri iki gihe isigayemo imbohe 40. Bamwe ngo ntibaracirirwa imanza, ariko bagumishwamo kubera gutinya ko babangamira umutekano barekuwe.
Ubwo yiyamamazaga mu matora y’umukuru w’igihugu, Trump yemereye abaturage ko iyi gereza azayikuraho icyo yise “abantu babi”, nyuma avuga ko abarwanyi ba Leta ya kiyisilamu bashobora kuzayifungirwamo.
