Umwarimu muri Kaminuza akaba n’impuguke muri politiki mpuzamahanga, Dr Christopher Kayumba avuga ko icyemezo cy’Umuyobozi w’Itorero ry’igihugu, Edouard Bamporiki cyambura burundu Umuhanzi Paccy ubutore kigamije kuninga ubwisanzure bwo gutanga ibitekerezo.
Abinyujije ku rukuta rwe rwa twitter, Dr Kayumba avuga ko ikibazo kiri mu ibaruwa yanditswe na Bamporiki atari ikibazo cy’ururimi bitewe n’amakosa yagaragaye mu myandikire ko ahubwo ikibazo ari uburyo kiniga ubwisanzure bwo gutanga ibitekerezo.
Yagize ati” Ikibazo cy’ingenzi kiri mu ibaruwa ya Bamporiki si ururimi! Kwambura izina ry’ubutore umuririmbyi Paccy bitewe n’igihangano cye bigira Bamporiki umushumba w’igihugu w’ibikwiriye n’ibidakwiriye kuvugwa! Bibangamira uburenganzira bwa Paccy bwo gutanga ibitekerezo.”
Dr Kayumba yagaragaje impungenge ko ibi byemezo bya Bamporiki byototera kwibasira abanyamakuru.
Ati”(…) Ibi bivuze ko Bamporiki yakwambura uwo ashatse izina ry’ubutore harimo n’abanyamakuru. Bivuze ko ari ugusenyuka mu buryo bw’amikoro no muryango mu buzima busanzwe. Ni igitutsi ku mibereho myiza ya Paccy. Nta muntu ufite ubwo bushobozi”
Oda Paccy yirukanwe burundu mu ntore z’igihugu
Uyu mwarimu avuga ko abona Bamporiki Edouard aganisha ku kwigira ushinzwe kugena ibyemewe n’ibitemewe, ibikwiriye kwandikwa n’abanyamakuru n’ibidakwiriye cyangwa se ibikwiriye kuvugwa n’Abanyarwanda n’ibitabakwiriye.
[penci_related_posts taxonomies=”undefined” title=”Izindi nkuru wasoma” background=”” border=”” thumbright=”no” number=”4″ style=”list” align=”none” displayby=”recent_posts” orderby=”random”]
Ibi ni nyuma yaho Kuri uyu wa Gatatu tariki 24 ukwakira 2018, umuyobozi w’Itorero ry’Igihugu, Bwana Bamporiki Edouard, yatangaje ko yambuye burundu izina ry’ubutore umuhanzikazi Oda Paccy kubera imyitwarire ye inyuranyije n’umuco w’ubutore.
