Umuyobozi mukuru wa Polisi muri Komini Nyabihanga, Intara ya Mwaro yitabye Imana nyuma yo kuraswa n’agatsiko k’amabandi yari yitwaje intwaro.
Nk’uko byatangajwe n’umuvugizi wa Minisiteri y’umutekano, Pierre Nkurikiye, avuga ko uyu muyobozi wa Polisi, OP1 Ndayikengurukiye Anicet yarashwe n’ayo mabandi, ubwo abashinzwe umutekano barasanaga nayo.
Akomeza avuga muri iyo mirwano Anicet yapfiriyemo, yanaguyemo amabandi abiri arashwe n’inzego z’umutekano. Aya mabandi ngo akaba yageragezaga kwiba umuntu witwa Salvator ngo wari wagurishije inka.
Ibinyamakuru bitandukanye by’i Burundi, bitangaza ko Minisiteri y’umutekano yasohoye itangazo ivuga ko bari abajura batanu, babiri bishwe abandi batatu barafatwa, bose uko ari batatu ngo bakaba bakomoka mu Ntara ya Gitega.
