Umuyobozi w’umutwe wa politiki ushingiye ku idini, uharanira ukwitandukanya kw’Amajyepfo ashyira Uburengerazuba bwa Repuburika Iharanira Demokarasi ya Congo, yatawe muri yombi nyuma y’iminsi ibiri amaze kwongera kwigaragaza. Yari yaratorokanye n’izindi mpfungwa mu myaka ibiri ishize. Ifatwa rye ryatangajwe na polisI kuri uyu wa Gatanu tariki ya 10 Gicurasi 2019.
Ne Muanda Nsemi, umuyobozi wa muvoma yitwa Bundu dia Kongo bivuze ubwami bwa Congo, yasubijwe muri gereza ya Malaka mu ijoro ryo ku wa Kane, aherekejwe na polisI. Umuvugizi wa poliIe Col. Pierrot-Rumbaut Mwanamputu, yabibwiye ibiro ntaramakuru by’abafaransa AFP. Yavugaga gereza nkuru ya Kinshasa.
Iyo muvoma, Nsemi ayoboye, yiganje mu Majyepfo ashyira uburengerazuba bwa Congo. Ishaka gusubizaho imbago z’ubwami bwahozeho mbere y’ubukoloni. Harimo ibice by’ibihugu bya Angola, Congo na Gabon.
VOA itangaza ko Ne Muanda Nsemi, yatorotse gereza ya Malaka mu kwezi kwa 5 umwaka wa 2017, mu gitero cyabaye mu rukererera. Byatumye abagororwa barenga 4,000 babasha gutoroka.
Kuva icyo gihe yakomeje kwihishahisha. Muri iki cyumweru nibwo yabonetse kuri televisiyo. Uwo muyobozi mu rwego rw’idini, yaregwaga na guverinema y’uwahoze ari perezida Joseph Kabila, kugaba ibitero byo gusenya inzego z’ubuyobozi. Harihagati mu mpera z’umwaka wa 2016 n’uwa 2017.
