Umuhanzi Joseph Mayanja uzwi ku izina rya Dr Jose Chameleone wo muri Uganda yagaragaye ahetse umukobwa we mu mugongo, ibintu byavugishije benshi mu bafana be bashima iyi myitwarire yiswe myiza ya kibyeyi.
Chameleone wafotowe ahetse uyu mwana w’umukobwa ari na we muto mu bana be batanu, yayishyize ku rukuta rwe rwa Instagram arangije agira ati “Ni wowe ubwawe ugomba guha umwana indangagaciro umwifuzaho, avuka ntacyo afite, ni nka flash nshya wowe uba ugomba gushyiraho ibintu”.
Nk’uko bigaragara kuri uru rukuta rwe, benshi mu bafana bamushimiye cyane bakanamwifuriza imigisha n’umuryango we ku bw’imyitwarire myiza ya kibyeyi yagaragaje.
Dr Jose Chameleone n’umugore we Daniella Atim bafitanye abana Batanu: Abba Marcus Mayanja, Alpha Jose Mayanja, Amma Christian Mayanja, Alba Shyne Mayanja na Xara Amani Mayanja ari na we yari ahetse.
Â
