Gen Ntawunguka Pacifique uzwi ku izina rya Omega, ni we wagizwe umuyobozi w’inyeshyamba za FDLR/Foca nyuma y’aho Lt.Gen. Mudacumura Sylvestre waziyoboraga yiciwe.
Mu rukerera rwo ku wa 17 Nzeri 2019, nibwo Lt.Gen Mudacumura yishwe n’igisiikare cya Repubulika Iharanira Demokarasi ya Congo (FARDC), amakuru atangazwa n’ikinyamakuru rwandatribune.com akavuga ko yasimbujwe Ntawunguka.
Ahagana saa Tanu z’amanywa ngo nibwo Gen. Major. Ntawunguka Pacifique yari amaze gutorerwa kuyobora FDLR/Foca. Aya matora akaba abaye mu gihe uyu mutwe ngo wahise unacikamo ibice bibiri nyuma y’aho Mudacumura apfiriye.
