Perezida wa Tanzania, John Pombe Magufuli yatanze imbabazi ku mfungwa zigera ku 5,533 kuri uyu wa 9 Ukuboza, umunsi hizizwaho ubwigenge bw’iki gihugu ku nshuro ya 58.
Magufuli nk’uko Azam TV ibitangaza, ni wo mubare munini w’imfungwa zihawe imbabazi na perezida w’igihugu muri Tanzania. Ni mu muhango wabereye mu Mujyi wa Mwanza kuri Sitade yitwa Kirumba. Perezida Magufuli yari aheruka gutanga imbabazi mu 2018 ubwo iki gihugu kizihizaga isabukuru y’Ubumwe bwayo na Zanzibar ku nshuro ya 54. Icyo gihe yatanze imbabazi ku mfungwa 3,319. Icyo gihe 585 bakaba aribo barekuwe abandi 2,734 bagabanyirizwa ibihano. Magufuli akaba yatanze imbabazi agendeye ku biteganywa n’ingingo ya 45 (1) (d) y’Itegeko Nshinga rya Tanzania imuha ububasha bwo kubabarira imfungwa.
