Umugabo witwa Musa Msolwa, umwe mu mfungwa 70 zo mu Ntara ya Njombe zari zahawe imbabazi na Pererida Magufuli, yafatiwe mu gikorwa cy’ubujura, yongera gufungwa nyuma y’amasaha umunani yari amaze hanze. Perezida Magufuli ubwo hizizhizwaga isabukuru y’Ubwitenge bwa Tanzania, kuwa 9 Ukuboza, yatanze imbabazi ku mfungwa bisaga bitanu. Msolwa ari muri abo ariko yatawe muri yombi na polisi kuri uyu wa 12 Ugushyingo akurikiranweho kwiba mu nzu y’abagenzi iri mu Mujyi wa Makambako. Mu kiganiro n’abanyamakuru, Umuyobozi wa Polisi mu Ntara ya Njombe, Khamis Issah yavuze ko Msolwa yamaze amasaha umunani gusa nyuma yo guhabwa imbabazi na Perezida, ubundi agahita yishora mu cyaha gituma ahita afungwa. Ati ” Ni amasaha umunani yari ahise gusa umwe mu bahawe imbabazi na Perezida afatwa yiba mu nzu y’abagenzi gusa abaturage bamutesheje atarabikora.” Umugabo witwa Merald Abraham,wari ufungiwe muri Gereza ya Ruanda na we yanze imbabazi za Perezida John Pombe Magufuli zo kuwa 9 Ukuboza, arikomeretsa ngo asubizwe muri gereza. Wasoma: https://bwiza.com/?Tanzania-Imfungwa-yanze-imbabazi-za-perezida-irikomeretsa-ngo-isubizwe-muri Haribazwa niba Msolwa na we yarashakaga kuva mu buzima bwa gereza bituma akora ikindi cyaha nta n’umunsi uciyemo, ababariwe na perezida.
