Amategeko icumi y’urukundo

Itegeko rya 1

Ntuzahendahendere umuntu kugukunda cyangwa kukwitaho (affection) kuko bigira agaciro iyo nyiri kubikora bimwiviriye ku mutima;

Itegeko rya 2

Ntuzabeshye uwo ukunda ngo akunde yishime, ikiruta uzamubwize ukuri ababare;

Itegeko rya 3

Ntuzarindire ko uwo ukunda akenera ko umufasha, ahubwo uzamufashe mbere y’uko abikenera;

Itegeko rya 4

Ntuzigere wibagirwa umukunzi wawe mu gihe yaguhaye byinshi utagomba kwibagirwa;

Itegeko rya 5

Ntuzarutishe amafaranga urukundo, kuko hari ibyo urukundo nyarwo rutanga amafaranga atabasha kugura;

Itegeko rya 6

Ntuzakunde umuntu ku bw’ impuhwe, ahubwo uzamugirire impuhwe ku bw’urukundo;

Itegeko rya 7

Urajye ucyaha uwo ukunda mwiherereye, mu ruhame umurengere;

Itegeko rya 8

Urajye ushimishwa n’uko uwo ukunda akundwa n’abandi kuko ari ikimenyetso cy’uko yakurutishije benshi;

Itegeko rya 9

Ntuzagishe abandi inama y’uwo ukwiriye gukunda, ikiruta uzagishe inama y’uko ukwiye kumukunda;

Itegeko rya 10

Ntugahamye ko ushimisha uwo ukunda, ahubwo uzabihamirizwa na nyir’ubwite.

Ni irihe tegeko muri aya icumi wakunze kurusha ayandi?

Bavuga ko amategeko aremera kurusha amabuye, bigukundiye wowe uri mu rukundo wayubahiriza uko yakabaye kugira ngo ugire umunezero wo mu mutima no kubana n’umukunzi wawe amahoro. Abakundana mwese mbifurije kuzagira iminsi mikuru myiza ya noheli n’ubunani.