Igikomangoma Prince William yakwepye ibirori

Igikomangoma Prince William na Catherine, Igikomangomakazi ba Wales, ntibitabiriye ibihembo bya BAFTA 2025 byabaye ku wa 16 Gashyantare nyuma y’imyaka itanu babyitabira ubudasiba. 

William, usanzwe ari Perezida wa BAFTA kuva mu 2010, yagaragaye gusa mu mashusho yagaragajwe mu muhango w’ibihembo. Amakuru yemeza ko we na Kate bari mu biruhuko ku kirwa cya Mustique mu Nyanja ya Caraïbes, aho bari kumarana igihe n’abana babo batatu mu minsi mikuru ya gahunda y’ishuri.

Ibihembo bya BAFTA 2025 byihariwe n’imyidagaduro ikomeye, aho “Conclave” yegukanye igihembo cyiza cy’umwaka, naho Adrien Brody na Mikey Madison batsindira mu byiciro by’abakinnyi beza b’imena. Jacques Audiard yegukanye igihembo cy’icyiciro cya “Film itari mu rurimi rw’Icyongereza” na Emilia Pérez.

Uyu ni umwaka wa kabiri wikurikiranya Igikomangoma William atitabiriye BAFTA, kuko no mu 2024 yari arwaje umugore we Kate.

Batsinze muri BAFTA Awards 2025 n’ibyiciro batsindiye

1. Filime nziza – Conclave

2. Umuyobozi mwiza – Brady Corbet (The Brutalist)

3. Inyandiko mwimerere nziza – Jesse Eisenberg (A Real Pain)

4. Inyandiko ivuye ku yindi nziza – Peter Straughan (Conclave)

5. Umukinnyi w’imena mwiza (umugore) – Mikey Madison (Anora)

6. Umukinnyi w’imena mwiza (umugabo) – Adrien Brody (The Brutalist)

7. Umukinnyi wungirije mwiza (umugore) – Zoe Saldana (Emilia Pérez)

8. Umukinnyi wungirije mwiza (umugabo) – Kieran Culkin (A Real Pain)

9. Filime y’ishusho (Animation) nziza – Wallace and Gromit: Vengeance Most Fowl

10. Filime y’abana n’imiryango nziza – Wallace and Gromit: Vengeance Most Fowl

11. Ubushya mu nyandiko, kuyobora cyangwa gutunganya filime – Rich Peppiatt (Kneecap)

12. Filime itari mu Cyongereza nziza – Emilia Pérez

13. Filime mbarankuru (Documentary) nziza – Super/Man: The Christopher Reeve Story

14. Gutoranya abakinnyi (Casting) neza – Sean Baker, Samantha Quan (Anora)

15. Gufata amashusho (Cinematography) neza – Lol Crawley (The Brutalist)

16. Gutunganya amashusho (Editing) neza – Nick Emerson (Conclave)

17. Imyambarire (Costume Design) nziza – Paul Tazewell (Wicked)

18. Gukora imisatsi n’uburanga (Make-up & Hair) neza – Pierre-Olivier Persin n’abandi (The Substance)

19. Umuziki w’umwimerere (Original Score) mwiza – Daniel Blumberg (The Brutalist)

20. Igishushanyo mbonera (Production Design) cyiza – Nathan Crowley, Lee Sandales (Wicked)

21. Amajyambere y’amajwi (Sound) meza – Dune: Part Two

22. Ibikorwa byihariye by’amashusho (Special Visual Effects) byiza – Dune: Part Two

23. Filime ngufi ya Animation nziza – Wander to Wonder

24. Filime ngufi nziza – Rock, Paper, Scissors

25. Umukinnyi urimo kuzamuka (EE Rising Star Award – Public Vote) – David Jonsson.