Ni ibyasohotse mu icyegeranyo cyashyizwe hanze na SOS TORTURE, ko abantu 11 bishwe, abagera kuri 42 barakomereka, abarenga magana atatu batabwa muri yombi na polisi mu cyumweru kimwe gishize.
Aba bantu bagiye bahohoterwa ngo abenshi baturuka muri komini Musaga mu gisagara cya Bujumbura hamwe na komine Mugamba mu ntara ya Bururi, abafashwe ngo bakaba bakomoka n’ubundi mu duce tuzwiho kwamagana Perezida Nkurunziza kuri manda ye ya3.
Icyo cyegeranyo gitunga agatoki abakozi b’urwego rw’iperereza ndetse n’abapolisi b’u Burundi ko bahohotera abaturage bo muri za karitiye zagaragaweho kwamagana Nkurunziza ubwo yiyamamarizaga manda ya 3 benshi batavugaho rumwe.
Izo karitiye ni Musaga, Nyakabiga, Jabe, Cibitoke, Mutakura, Ngagara na Buterere mu gisagara cya Bujumbura, hamwe na komine Mugamba mu ntara ya Bururi, na Burambi mu ntara ya Rumonge.
Muri iki cyumweru gishize kandi abantu barenga 300 nibo batawe muri yombi n’inzego z’umutekano, benshi mur ibo bakaba bararekure, ariko icyegeranyo cya SOS TORTURE kikaba kivuga ko abagera kuri 23 muri abo bafashwe baburiwe irengero.
Kanda hano ujye ubona amakuru yihuse kandi kugihe kuri Facebook no kuri twitter
Nsengiyumva Philipe/Bwiza.com
