Umuhanzi w’icyamamare ku rwego mpuzamahanga, John Legend yageze i Kigali mu gitondo cyo kuri uyu wa Gatanu, ari kumwe n’umugore we Chrissy Teigen.
Uyu muhanzi yaje kwitabira igitaramo cya Move Afrika, kirabera muri BK Arena kuri uyu wa 21 Gashyantare 2025.
Muri iki gitaramo, John Legend azahurira ku rubyiniro n’abahanzi barimo Bwiza na DJ Toxxyk.
Amatike yari yihagazeho mu biciro, aho icya make cyaguraga 30,000 Frw naho icya menshi kikagera kuri 135,000 Frw.
Move Afrika ni gahunda ya Global Citizen ifatanyije na RDB, igamije kurandura ubukene binyuze mu muziki n’ubukangurambaga.
John Legend ni umuhanzi wa kabiri ukomeye utumiwe muri iki gikorwa, nyuma ya Kendrick Lamar.
Uyu muhanzi wamenyekanye mu ndirimbo “All of Me”, “Tonight”, n’izindi, ategerejweho gutarama bikomeye mu ijoro ry’uyu wa Gatatu.
