Abanyarwanda bakusanyirijwe mu nkambi z’akato I Burundi guhera ku Cyumweru nyuma y’uko u Burundi bufunze umupaka wabwo n’u Rwanda baratabaza kubera imibereho igoranye babayeho aho bafungiye.
Aba Banyarwanda bafungiwe mu ishuri “Paramedical de Kinyana/Ngozi” aho bakusanyirijwe n’igipolisi cy’u Burundi kibashinja kujyana Coronavirus mu gihugu cyabo. Abafashwe babanje gukusanyirizwa mu ntara ya Gitega na Bubanza babakuye mu modoka zabaga zirimo n’abandi bagenzi.
N’ubwo Abanyarwanda ari bo bafungiye muri izi nkambi bakuwe mu modoka zabaga zirimo Abanyakenya, Abatanzaniya ndetse n’Abakongomani bikaba bigaragara ko ikibazo atari ugutinya Coronavirus kuko bakabaye barakusanyirijwe hamwe n’abandi baturage b’ibyo bihugu dore ko nka Repubulika Iharanira Demukarasi ya Congo yanagaragayemo iyi virusi mbere y’u Rwanda.
Amakuru avuga ko aho aba Banyarwanda bafungiye batitaweho kuko nta bikoresho by’isuku, nta bwiherero, ibyo kurya n’amazi ni ingorabahizi ndetse bategetswe kurarana ari babiri ugasanga iyi mibereho atari iyo kubarinda indwara ahubwo ari iyo kuzibatera.
Ibihugu byagaragayemo abarwayi ba Coronavirus nka Kenya,Tanzania na RDC nta muturage bifite washyizwe mu kato mu gihe abagera kuri 253 b’Abanyarwanda bafungiwe hamwe bikaba bigaragara ko byaba bifitanye isano n’amakimbirane ashingiye kuri politiki yakunze kurangwa hagati y’u Burundi n’u Rwanda.
Leta y’u Burundi yo ivuga ko aya makuru ntacyo iyaziho ndetse n’umuvugizi wa Leta y’u Burundi, Bwana Prosper Ntahorwamiye yabwiye itangazamakuru ko ibyo bintu atabizi.
U Rwanda n’u Burundi bimaze iminsi bitarebana neza aho buri gihugu cyagiye gishinja ikindi guha urwaho no gutera inkunga imitwe ishaka guhungabanya umutekano kigenzi cyacyo.
2 Responses
Burundi:Abanyarwanda bakusanyirijwe mu nkambi z’akato baratabaza
Mark Ibrahim,ukwiye kubahiriza akarancamutima k’umwuga wawe!!!!inkuru wanditse siyo kuko Aho hantu babatwaye ni mw’ishure risanzwe ryigisha ubuvuzi!!kuvuga ngo nta suku,nta bwihererero aha nibaza ibi bibazo:
-Mbega abanyeshure biga ubuvuzi(nursing)babaye ahantu hatagira ubwiherero???
-Mbega ko abanyamahanga babasubije iwabo baciye ku mupaka wa kanyaru haut,ushatse kuvuga ko abo bandi bajanyeyo babakuye Aho I Ngozi??
Birababaje kwandika inkuru nkiyo usevya igihugu no kubintu bitarivy vyerekana ko utagendera akarancamutima k’umwuga wawe!!
Ikindi ni uko ku mupaka ata muntu bemerera kwinjira kiretse afise passport y’uburundi!!tuvuge ko Ari abanyarwanda basanzwe bafise passports y’uburundi????
Burundi:Abanyarwanda bakusanyirijwe mu nkambi z’akato baratabaza
Mark Ibrahim,ukwiye kubahiriza akarancamutima k’umwuga wawe!!!!inkuru wanditse siyo kuko Aho hantu babatwaye ni mw’ishure risanzwe ryigisha ubuvuzi!!kuvuga ngo nta suku,nta bwihererero aha nibaza ibi bibazo:
-Mbega abanyeshure biga ubuvuzi(nursing)babaye ahantu hatagira ubwiherero???
-Mbega ko abanyamahanga babasubije iwabo baciye ku mupaka wa kanyaru haut,ushatse kuvuga ko abo bandi bajanyeyo babakuye Aho I Ngozi??
Birababaje kwandika inkuru nkiyo usevya igihugu no kubintu bitarivy vyerekana ko utagendera akarancamutima k’umwuga wawe!!
Ikindi ni uko ku mupaka ata muntu bemerera kwinjira kiretse afise passport y’uburundi!!tuvuge ko Ari abanyarwanda basanzwe bafise passports y’uburundi????