Abajura mu gihugu cya Guinea Equatorial bagize gutya binjira mu nzu y’uwahoze ari minisitiri biba akayabo ka miliyoni 60 z’Amayero.
Televiziyo y’igihugu yatangaje amakuru y’ubu bujura kuri uyu wa kabiri yavuze ko ako kayabo k’amayero ari aka bwana Jeronimo Osa Osa Ecoro, wahoze ari minisitiri w’itangazamakuru n’umunyamabanga mukuru w’ishyaka riri ku butegetsi. Umubare w’aya mafaranga ukaba wanemejwe na AFP.
[xyz-ihs snippet=”google-pub”]
Iyi nkuru dukesha Africanews irakomeza ivuga ko miliyoni 20 mu yibwe zabonetse ndetse na bane mu bajura bagafatwa, aho bamwe ngo bafatiwe muri Cameroun nk’uko byatangajwe na televiziyo y’igihugu. Uwateguye iki gikorwa cy’ubujura we ngo ntabwo arafatwa.
Televiziyo ya Guinea Equatorial, RTVGE, yatangaje ko aba bajura bakomoka muri Burkina Faso bakaba barakoreraga uyu mu minisitiri.
Biravugwa ko aya mafaranga bayarenganye hagati muri uku kwezi kwa Nyakanga bayakuye mu nzu ya nyakubahwa ubwo ngo yari yasohokeye mu kabyiniro nk’uko RTVGE yakomeje ibitangaza.
Muri iyi nkuru ya televiziyo ariko ntihigeze hatangazwa ahantu ako kayabo k’amafaranga uyu wahoze ari umuyobozi yari aryamanye iwe mu nzu, yavuye.
Kanda hano ujye ubona amakuru yihuse kandi kugihe kuri Facebook no kuri twitter
Dennis Ns./Bwiza.com
