Umuhungu wa Perezida wa Afurika y’Epfo Cyril Ramaphosa, witwa Tumelo Ramaphosa yagaragaje ibyiyumvo bye kuri Kate Bashabe, umunyarwandakazi wamamaye mu bijyanye n’imideli, ubucuruzi n’imbuga nkoranyambaga.
Tumelo, uzwi cyane mu bijyanye n’ikoranabuhanga n’ishoramari, ni rwiyemezamirimo washinze kandi ayobora kompanyi yitwa Studex Group, ikorera muri Afurika y’Epfo n’ahandi ku mugabane.
Iyi kompanyi ifite ibikorwa mu ikoranabuhanga rishingiye ku butabire, inganda zicukura amabuye y’agaciro, n’ubucuruzi bw’imigabane.
Tumelo yize Computer Science muri University of Cape Town ndetse anagira amahugurwa yihariye mu bucuruzi no gushora imari mu bigo mpuzamahanga. Azwiho kuba ari umwe mu rubyiruko rufite ijambo mu ishoramari rishingiye ku bikorera ku giti cyabo muri Afurika y’Epfo.
Mu butumwa yashyize kuri Instagram, Tumelo yashyizeho ifoto ya Kate Bashabe ayiherekesha amagambo agira ati: “Isanzure ryanjye.” Ibi byakuruye impaka n’amarangamutima ku mbuga nkoranyambaga, bamwe bibaza niba hari urukundo ruri kuvuka hagati y’aba bombi.
Nubwo Kate Bashabe atigeze abivugaho ku mugaragaro, abantu benshi bakomeje gukurikiranira hafi iyi mvugo yuje umutoma y’uyu muhungu wa Perezida.
Bashabe, wamenyekanye nka rwiyemezamirimo ufite uburanga, ni umwe mu bagore b’abanyarwanda bagaragaza ubushobozi mu bucuruzi no mu gukoresha imbuga nkoranyambaga mu buryo bw’umwuga.
