Guverinoma y’u Bufaransa yongeye kugaragaza impungenge itewe n’ibibazo bya politiki n’umutekano bikomeje kugaragara mu Burundi.
Ibi guverinoma y’u Bufaransa ikaba yabitangaje nyuma y’aho guverinoma y’u Burundi yamaganiye umwanzuro 2303 wa Loni wo kohereza abapolisi 228 muri iki gihugu ngo bajye gufasha mu kuzana umwuka mwiza uzatuma ibiganiro hagati y’Abarundi bikomeza no kugenzura uko uburenganzira bw’ikiremwamuntu bwubahirizwa muri iki gihugu.
[xyz-ihs snippet=”google-pub”]
Umuvugizi wungirije wa minisiteri y’ububanyi n’amahanga y’u Bufaransa, kuri uyu wa Kane ari I Paris mu Bufaransa, akaba yaratangaje ko abayobozi b’u Burundi bakwiye gushyira mu bikorwa uyu mwanzuro watowe kuwa 29 Nyakanga n’Akanama k’Amahoro n’Umutekano ka Loni, bidatinze.
Mu ruzinduko rwe mu gihugu cya Tanzania, minisitiri w’ububanyi n’amahanga w’u Bufaransa, Jean-Marc Ayrault, yabonanye n’umuhuza mu bibazo by’Abarundi, Benjamin Mkapa amugaragariza ubushake bw’u Bufaransa mu kubonera umuti ibibazo by’u Burundi.
[xyz-ihs snippet=”google-pub”]
Abayobozi b’u Burundi bo ariko nk’uko iyi nkuru dukesha Africanews ikomeza ivuga, batangaje ko kwemera uyu mwanzuro wo kohereza abapolisi mu gihugu cyabo ari ukuvogera ubusugire bwacyo. Bamaganye kandi uyu mwanzuro wari ushyizwe imbere n’u Bufaransa bavuga ko gutanga uburenganzira bwo kohereza aba bapolisi byakozwe batabyumvikanyeho.
Kanda hano ujye ubona amakuru yihuse kandi kugihe kuri Facebook no kuri twitter
Dennis Ns./Bwiza.com
