Imyigaragambyo yo kwamagana guverinoma muri Ethiopia yatangaiye kuva mu cyumweru gishize muri Gondar mu karere ka Amhara gaherereye mu majyaruguru ya Ethiopia, yakwirakwiriye no mu bindi bice by’igihugu bisaba ko ubutegetsi bwahinduka muri iki gihugu.
Ku mbuga nkoranyambaga hagaragaraho ubutumwa buhamagarira abaturage kwiyunga ku bandi mu myigaragambyo yari iteganyijwe kuri uyu wa Gatandatu no ku Cyumweru muri Ahmara.
Abigaragambya basaba ifungurwa ry’impirimbanyi zatawe muri yombi ari nako bamagana guverinoma iyobowe na Ethiopian People’s Revolutionary Democratic Front ishinjwa kwirengagiza iki gice cy’amajyaruguru y’igihugu kirangwamo ubukene bukabije.
Nk’uko imyigaragambyo yo ku Cyumweru gishize yagenze, ubwo ibuhumbi bisaga 10 by’abaturage byayitabiriye byahanganye n’abashinzwe umutekano bari boherejwe kubahagarika, itangazamakuru rya leta rivuga ko nta burenganzira bwatanzwe bwo kwigaragambya muri iyi weekend.
Gusa, ikinyamakuru Africanews dukesha iyi nkuru kikaba kivuga ko amakuru ataremezwa avuga ko internet yahagaritswe mu gihugu.
[xyz-ihs snippet=”google-pub”]
Imyigaragambyo yo kuwa Gatanu
Televiziyo yo muri Ethiopia yitwa ASAT yatangaje ko abantu babiri barashwe n’inzego z’umutekano bagapfa, ndetse umusirikare akaba yarishwe muri myigaragambyo yo kuri uyu wa Gatanu muri Gondar.
Iyi televiziyo yatangaje ko imyigaragambyo yaberaga imbere y’urukiko rwo muri uyu mujyi, ahari hari gukurikiranwa umwe mu bayobozi b’abigaragambya, Col. Damake Zewdu.
ESAT yagize iti: “Nyuma yo kumva ko Colonel yagejejwe imbere y’urukiko, abaturage barahateye bari mu bihumbi basaba ifungurwa rye banamagana ubutegetsi” .
Biravugwa kandi ko hagiye hagaragara ubugizi bwa nabi mu myigaragambyo muri iyi weekend mu bice bya Amhra na Oromia, ariko umubare w’abahakomerekeye cyangwa abapfuye ntabwo wemejwe.
Biravugwa kandi ko muri biriya bice amaduka n’inyubako za leta bifunze kuva ku Cyumweru gishize.
Kuwa kabiri ushize, bivugwa ko inzego z’umutekano zarashe ku bantu bari bari gushyingura bagenzi babo babiri bishwe kuwa Mbere mu yindi myigaragambyo. Icyo gihe benshi barakomeretse, babiri bahasiga ubuzima nk’uko byatangajwe n’itangazamakuru ryo muri iki gihugu.
Abategetsi ba Ethiopia kugeza ubu banze kugira icyo batangaza kuri iyi myigaragambyo, ariko guverinoma yo mu gice cyibasiwe cyane itangaza ko igomba kugaragaza impungenge z’abaturage.
Kubera iyi myigaragambyo igenda ifata intera ari nako igaragaramo ubugizi bwa nabi, ambasade ya Leta Zunze Ubumwe za Amerika muri Ethiopia yaburiye abakozi bayo n’Abanyamerika kwirinda gukorera ingendo muri Oromia kubera imyigaragambyo ihateganyijwe muri iyi weekend.
Mu itangazo ryashyizwe kuri website yayo, ambasade yatangaje ko ikeka ko itumanaho nka telephone ngendanwa na internet bishobora guhagarikwa.
Kanda hano ujye ubona amakuru yihuse kandi kugihe kuri Facebook no kuri twitter
Dennis Ns./Bwiza.com
