Bamwe mu bapolisi ba Repubulika iharanira Demokarasi ya Congo mu duce tumwe two muri sheferi (chefferie) ya Bwito muri Kivu y’Amajyaruguru bataye akazi kabo barahunga bavuga ko bahangayikishijwe n’umutekano wabo.
Biravugwa ko kuwa gatatu, itariki 10 Kanama, umupolisi umwe yataye akazi ahitwa Bwalanda nk’uko byatangajwe n’umukozi w’intara. Hakaba hari hashize icyumweru umuyobozi w’igipolisi cya Bwalanda n’uwari umwungirije, nabo bataye akazi bakajya mu bwihisho.
Amakuru aturuka aha hantu akaba avuga ko kuri station ya polisi ya Bwalanda kuri ubu hasigaye abapolisi babiri gusa. Abandi bapolisi batandatu bari mu gace ka Mutanda nabo bataye akazi bahungira ahitwa Nyanzale.
[xyz-ihs snippet=”google-pub”]
Iyi nkuru dukesha Radio Okapi ivuga ko aba bapolisi, bose ngo bakomoka mu bwoko bw’Abahutu, bavuga ko batinya kugirirwa nabi n’inyeshyamba za Maà¯-Ma௠Mazembe na NDC/Rénové ngo zimaze amezi menshi zihiga bukware abarwanyi bo mu mutwe wa Nyatura n’iza FDLR.
Ku rundi ruhande, abapolisi bari Nyanzale nabo ngo barateganya kuva aha hantu, aho bitwaza ko ari bacye ugereranyije n’inyeshyamba zirangwa muri iki gice. Bavuga kandi ko badafite ibikoresho bihagije bibafasha gukora akazi kabo.
Kanda hano ujye ubona amakuru yihuse kandi kugihe kuri Facebook no kuri twitter
Dennis Ns./Bwiza.com
