Ikipe ya Young Africans ikinamo Haruna Niyonzima na Sibomana Patrick Papy bombi bakinira ikipe y’igihugu Amavubi, yanyagiwe na KMC ibitego 3-0 mu mukino wa gicuti wahuje amakipe yombi.
Ni umukino amakipe yombi yari yahuriyemo yitegura shampiyona ya Tanzania izasubukurwa mu cyumweru gitaha, nyuma y’amezi arenga abiri yarahagaritswe kubera icyorezo cya Covid-19.
Ibitego bibiri byo mu gice cya mbere bya Sadala Lipangile na Charles Ilnfya, ndetse n’icya gatatu cyatsinzwe ku munota wa 65 gitsinzwe na Hassan Kabunda kuri Coup- Franc, ni byo byafashije KMC gukura amanota atatu ku kigugu Young Africans.
Ni umukino KMC yarushijemo cyane ikipe ya Yanga.
Kapiteni w’ikipe y’igihugu Amavubi, Haruna Niyonzima yari muri 11 babanje mu kibuga ku ruhande rwa Young Africans, mu gihe Sibomana Patrick Papy yari ku ntebe y’abasimbura.
Biteganyijwe ko Shampiyona ya Tanzania igomba gusubukurwa ku wa 13 z’uku kwezi hakinwa imikino y’umunsi wa 29, Young Africans ikaba igomba gutangira isura Mwadui FC.
