Mu itangazo ryayo, AFC/M23 yavuze ko ubutegetsi bukoresha indege zabwo z’intambara, indege zitagira abapilote, n’imbunda zirasa mu ntera ndende mu kwibasira abaturage b’abasivili muri Kivu y’Amajyaruguru na Kivu y’Amajyepfo, bishora aka karere mu mperuka nyayo. Ibi bisasu bya bombe bya hato na hato, biterwa nkana, kandi bidafite ishingiro, ngo bigize ibyaha by’intambara n’ibyaha byibasira inyokomuntu.
AFC / M23 irahamagarira abaturage ba Congo gutanga ubuhamya ku bwicanyi bwakozwe n’ingabo z’ihuriro ry’ubutegetsi bwa Kinshasa. “Ibisasu bituruka ku birindiro by’Ingabo z’u Burundi, birimo n’ibyo ku mupaka w’u Burundi, bisenya amazu kandi bihitana ubuzima bw’abaturage bacu mu turere dutuwe cyane, cyane cyane i Kamanyola. Mu guhangana n’iki gitero gikomeye cyane, dukomeje kwitegura rwose kurinda abaturage bacu no kubuza ko iryo hohoterwa rikomeza.”
Iri huriro rivuga ko umubare w’agateganyo w’abishwe n’ibyo bisasu byavuye mu Burundi, byibasiye uturere dutuwe cyane muri Kamanyola, mu Ntara ya Kivu y’Amajyepfo, ari: 4 bapfuye, 6 barakomereka, barimo: 1. Salomon Mulikuza, w’imyaka 55 (wo mu gace ka Rugenge) 2. Issaka Musafiri, ufite imyaka 24 (mu gace ka Rugenge) 3. Pierre Byamungu, imyaka 12 (mu gace ka Rugenge) 5. Neema, imyaka 23 (agace ka Mulengezi) 6. Anita, imyaka 12 (agace ka Mulengezi).
One Response
ese M23 irigukora igikorwa cyurukundo? esekombona bavuga FRDC, M23 irasa umwuka? ahubwo ahubwo mubyo america isinyisha abayobozi bashyiremo kuranda na M23 nkuko bizagenda kuri FDLR,kuko Bose nabanzi bamahoro