Perezida wa Repubulika Iharanira Demokarasi ya Congo, Felix Tshisekedi, ku wa 21 Nyakanga 2020 yatangaje ko akuyeho ibihe bidasanzwe yari yarashyizeho mu rwego rwo kwirinda icyorezo cya Coronavirus.
Ku itariki 24 Werurwe 2020 nibwo Guverinoma ya Congo Kinshasa yashyizeho ingamba zikomeye zo kwirinda ko Covid-19 yakwirakwira mu baturage, ifunga ibikorwa btandukanye bihuza abantu benshi nkâamashuri, insengero, utubari ndetse nâubucuruzi butari ubwâibanze. Guverinoma ya DRC kandi yari yarafunze imipaka kimwe nâindege ziva nâiziza muri iki gihugu.
Mu mbwirwaruhame Perezida Tchisekedi yavugiye kuri televiziyo yâigihugu ku wa Kabiri, yabwiye abaturage b’igihugu cye ko n’ubwo icyorezo cya Covid-19 kitari cyashira mu gihugu, ibikorwa byose byari bifunze bigomba gufungurwa kugira ngo iterambere ryâigihugu rikomeze.
Perezida Tshisekedi yategetse ko guhera kuri uyu wa 23 Nyakanga, igihugu kigomba kuva mu bihe bidasanzwe bya âguma mu rugo cyari kirimo, ibikorwa na serivisi bigafungurwa mu byiciro bitatu. Amasoko, amaduka, utubari na za resitora byemerewe gufungura imiryango bikongera gukora uhereye uyu munsi, anategeka kandi ko ingendo rusange, amashuri na za kaminuza bigomba gufungurwa guhera ku itariki 03 Kanama uyu mwaka.
Ni mugihe imipaka yose nâibibuga byâindege rusange zitwara abagenzi kimwe nâinsengero nâimisigiti bizaba byafunguwe guhera ku itariki 15 Kanama 2020.
Perezida Tshisekedi yibukije abaturage ba Congo ko ân’ubwo ibihe bidasanzwe bikuweho mu gihugu, ntibivuze ko icyorezo cya Covid-19 kirangiye mu gihugu,â ahubwo bagomba gukomeza kwirinda bakaraba kenshi, bambara agapfukamunwa nâibindi byose basabwa gukora.
Kugeza ubu Repubulika Iharanira Demokarasi ya Congo ni kimwe mu bihugu bya Afurika bifite abarwayi benshi banduye Covid-19. Abantu 8534 ni bo bamaze kwandura Covid-19 na ho 196 yarabishe. Ibi bituma iki gihugu kiza ku mwanya wa 9 muri Afurika mu kugira ubwandu bwinshi, no ku mwanya wa 12 mu kugira impfu zâiki cyorezo.
