Minisiteri y’Ubuzima mu Rwanda kuri uyu wa 26 Nyakanga 2020 yatangaje ko abamaze kwandura icyorezo cya Covid-19 biyongereyeho 69 mu bipimo 4122 byafashwe.
Kigali yabonetsemo 34, Nyamasheke ibonekamo 16 bapimwe mu midugudu iri mu Kato, Rusizi ibonekamo 16 bari mu batahuwe bahuye n’abanduye, Kirehe ibonekamo 1, Ngoma ibonekamo 1, Rwamagana nayo ibonekamo 1.
Abamaze gukira ni 918 harimo 11 b’uyu munsi.
Muri rusange abamaze kugaragaraho iki cyorezo mu Rwanda ni 1821 abakirwaye bageze kuri 898. Ibipimo byose byafashwe ni 242,129.
Batanu ni bo kimaze kwicira mu Rwanda barimo umusaza w’imyaka 65 y’amavuko, umupolisi w’imyaka 24 y’amavuko, umusirikare w’imyaka 51 y’amavuko, umusaza w’imyaka 78 y’amavuko n’umukecuru w’imyaka 88 y’amavuko.
