Kuva kuri uyu wa Mbere, itariki 30 Werurwe 2026, u Rwanda rwakiriye Inama ya 4 y’Umuryango wa Afurika y’Iburasirazuba (EAC), yiga kuri Siyansi n’Ikoranabuhanga.
Iyi nama yitabiriwe n’Abaminisitiri baturutse mu bihugu bigize Umuryango wa EAC, hamwe n’abashyiraho politiki, abashakashatsi n’abafite imishinga y’ibishya bahanze, hagamijwe gukomeza ubufatanye mu Karere.
Mu gihe cy’iminsi itatu iyi nama izamara, ibiganiro bizibanda ku ruhare rw’ikoranabuhanga ry’Ubwenge Buhangano (AI) mu guhindura ubukungu n’inzego z’imiyoborere ndetse n’uko akarere gashobora kurushaho gufatanya mu kuryimakaza hagamijwe kuzamura iterambere ribereye bose.
