Kuri uyu wa Gatanu, itariki 10 Mata 2026, Minisitiri w’Intebe, Justin Nsengiyumva, yifatanyije n’abaturage b’Akarere ka Ngororero mu kwibuka ku nshuro ya 32 Jenoside yakorewe Abatutsi mu 1994.
Mu ijambo rye, Minisitiri w’Intebe yibukije ko “Kwibuka Jenoside yakorewe Abatutsi no kwigira ku mateka mabi u Rwanda rwahuye nayo, biturutse ku bukoloni n’ubutegetsi bubi bwa Repubulika ya mbere n’iya kabiri ni inshingano twahisemo kandi tuzakomeza kwitaho.”
Yongeyeho ko kurwanya ingengabitekerezo ya Jenoside nabyo ari inshingano Abanyarwanda batazatezukaho.
