Nibura abantu 12 bapfiriye mu mpanuka y’ubwato yabereye cya Tanganyika, hafi y’Umudugudu wa Mutakuya, muri Teritwari ya Kalemie mu Ntara ya Tanganyika, muri Repubulika ya Demokarasi ya Congo.
Nk’uko bitangazwa na Sosiyete sivile ya Sheferi ya Rutuku, ngo ubwato bwa moteri bwavaga i Kasama bwerekeza Kamkolombondo bwarohamye mu gitondo cya kare, butwaye abagenzi n’imizigo.
Iyi mpanuka bikekwa ko yatewe n’ikirere kibi ndetse n’ubwato bwari bupakiye birengeje urugero nk’uko inkuru dukesha mediacongo.net ivuga. Andi makuru yatanzwe na guverinoma y’intara, yerekana ko hapfuye abantu barindwi kandi ibikorwa byo gushakisha abandi baba bapfuye bikomeje.
Abayobozi bavuga ko ubwo bwato bwahagurutse hari ikirere kibi, kandi batangaza ko ingamba z’umutekano zongerewe, harimo kugenzura ubwato no gukoresha amakoti arinda kurohama.
Ku ruhande rwayo, imiryango itegamiye kuri leta irasaba ko hajyaho amategeko akomeye agenga ingendo zo mu kiyaga kugira ngo hirindww andi makuba nk’aya.
