Igipolisi cyavuze ko uyu mugore witwaje icyuma yarashwe n’abapolisi hanze y’iduka rya Walmart muri Leta ya Nebraska yo muri Leta Zunze Ubumwe za Amerika nyuma yo gushimuta umwana.
Uwagabye igitero yashimuse umwana w’imyaka itatu muri supermarket ya Omaha yamutunze icyuma, kuwa Kabiri ushize, mu gitero ngo byagaragaye ko cyari gitunguranye.
Amashusho yavuye kuri camera zambarwa n’abapolisi ku mubiri yerekanye uyu mugore afatiyeho umwana icyuma nk’uko inkuru dukesha Euronews ivuga.
Polisi yavuze ko yanze guta icyuma, kandi ko yakebye umwana w’umuhungu mu musaya mbere y’uko abapolisi babiri bamurasa.
Ukekwaho icyaha, Noemi Guzman w’imyaka 31, wari ufite amateka y’uburwayi bwo mu mutwe, byatangajwe ko yapfiriye aho. Uyu muhungu yavuwe igikomere yatewe mu bitaro.
Abashinzwe iperereza bavuze ko amashusho ya camera yo ku iduka yerekanye ukekwa yiba icyuma. Polisi yavuze ko yahise yegera umwana n’umuntu umurera anutunga icyuma maze ahatira uwo muntu kugenda asigarana umwana.
Polisi yavuze ko ukekwa yabinjije mu iduka nyuma abageza no muri parikingi, mbere y’uko abapolisi bahagera.
