Semuhungu Eric umaze iminsi afunzwe, akurikiranyweho ibyaha bitandukanye, birimo gukoresha undi imibonano mpuzabitsina ku gahato, gusakaza amashusho atemewe no gusebanya.
Dosiye ye igaragaza ko hari abasore babiri bamureze, bavuga ko bagiranye na we imibonano mpuzabitsina mu bihe bitandukanye, bamwe bakavuga ko hari ubwo babaga babanje guhabwa inzoga.
Umwe mu bamureze avuga ko hari igihe bagiranye imibonano inshuro nyinshi mu mezi atandukanye, mu gihe undi we avuga ko hari n’igihe yigeze kumubwira amagambo amutera ubwoba amubuza kumuvuga ku muryango we.
Ku rundi ruhande, Semuhungu Eric we ahakana ibyo aregwa, avuga ko ibyo yakoraga n’abo basore byari ku bwumvikane hagati yabo, nta gahato karimo. Yanavuze kandi ko atigeze asakaza amashusho y’urukozasoni nk’uko bivugwa, ndetse ahakana ko afite aho ahuriye n’urubuga ruvugwa muri dosiye.
Urubanza rwe rukomeje gutegerejwe mu nkiko, aho ubutabera bugomba gusuzuma ibimenyetso byose no gufata icyemezo gishingiye ku mategeko.
