Iran yishe Amirali Mirjafari kubera gukekwaho umugambi wo gutwika umusigiti wa Tehran no gukorana na Israel na Amerika, mu gihe imiryango iharanira uburenganzira bwa muntu yamagana iyicwa ryiyongera.
Kuri uyu wa Kabiri, Iran yishe umuntu wahamwe n’icyaha cyo gufasha gutwika umusigiti munini muri Tehran ndetse no gukorana na Israel na Amerika mu myigaragambyo yabanjirije intambara, nk’uko ubucamanza bw’ubutegetsi bwa Tehran bwabitangaje.
Nk’uko byatangajwe na Mizan, Ibiro Ntaramakuru by’Ubucamanza, ngo uyu mugabo uzwi ku izina rya Amirali Mirjafari, yishwe kuri uyu wa Kabiri nyuma y’uko igihano cye cyemejwe n’Urukiko rw’Ikirenga.
Mizan yatangaje ko Mirjafari ushinjwa kuba “umwe mu bantu bitwaje intwaro bakorana n’umwanzi wagerageje gutwika Umusigiti Mukuru wa Gholhak kandi akaba yari umuyobozi w’umutwe wa Mossad ushinzwe guhungabanya umutekano,” maze aramanikwa mu gitondo cyo kuri uyu wa Kabiri.
Mizan yavuze ko ibyabaye byabaye mu gihe cy’imyigaragambyo yadutse muri Iran mu mpera z’Ukuboza kubera izamuka ry’imibereho mbere yo guhindukamo imyigaragambyo yo kwamagana leta mu gihugu hose yabaye ku itariki ya 8 n’iya 9 Mutarama.
