Minisiteri y’Ubuzima mu Rwanda kuri uyu wa 12 Kanama 2020 yatangaje ko umuntu wa munani yishwe n’icyorezo cya Covid-19.
Uwapfuye ni umugabo w’imyaka 37 y’amavuko wapfiriye mu Mujyi wa Kigali nk’uko iyi Minisiteri yabitangaje mu butumwa bwihanganisha umuryango we wasigaye.
Abagaragayeho iki cyorezo uyu munsi ni 18 barimo 15 bo mu mujyi wa Kigali gusa, bahuye n’abanduye ndetse n’abapimwe mu bibasiwe kurusha abandi. Hari kandi babiri babonetse mu Karere ka Ngoma n’umwe wabonetse muri Rubavu. Aba babonetse mu bipimo 4886 byafashwe.
Abamaze gukira Covid-19 bageze ku 1524 barimo 46 b’uyu munsi.
Muri rusange, abantu 2189 ni bo bamaze kugaragaraho iki cyorezo, abakirwaye ni 657. Ibipimo byose bimaze gufatwa ni 314,539.
