Umukinnyi w’imbere ukinira ikipe ya Manchester United, Amad Diallo, ni we watsinze igitego cyahaye intsinzi ikipe y’igihugu y’umupira w’amaguru ya Cote d’Ivoire mu mukino warangiye ari 2-1 wo kwitegura igikombe cy’Isi wabereye i Nantes kuri uyu wa Kane.
Ku ruhande rw’u Bufaransa, undi mukinnyi wa Manchester City, Rayan Cherki, ni we watsindiye u Bufaransa igitego rukumbi ari nacyo cya mbere cyabonetse mu mukino cyinjiye mbere gato y’uko igice cya mbere cy’umukino kirangira ku munota wa 45.
Nyuma y’uko umutoza wa Les Bleus, Didier Deschamps, ahinduye byinshi mu gice cya kabiri, Guela Doué wavukiye mu Bufaransa yahaye Les Elephants igitego cya mbere ku munota wa 53, mbere y’uko Amad winjiye asimbura atsinda igitego cy’intsinzi hasigaye iminota itandatu ngo umukino urangire.
U Bufaransa biteganyijwe ko buzakina umukino wa mbere mu Gikombe cy’Isi buhura na Senegal i New Jersey ku itariki 16 Kamena, bwari bwatangiye neza Michael Olise asanga Kylian Mbappé ku ruhande rw’ibumoso ariko ishoti rye rito rikurwamo n’umuzamu wa Cote d’Ivoire, Yahia Fofana.
