Umusifuzi wo muri Somalia, Omar Abdulkadir Artan, byari biteganyijwe ko azitabira Igikombe cy’Isi cya 2026, gitangira kuri uyu wa Kane utaha, yasubijwe inyuma akigera ku butaka bwa Leta Zunze Ubumwe za Amerika.
Kuri uyu wa Mbere ushize, umuyobozi muri Somalia yabwiye Ibiro Ntaramakuru by’Abafaransa, AFP, ko Abdulkadir yasubijwe inyuma agikandagira ku butaka bwa Amerika. Impamvu zatumye yirukanwa ntiziramenyekana.
Omar Abdulkadir Artan yari afite viza yemewe, nk’uko Ciise Aden Abshir, umujyanama mukuru muri minisiteri y’urubyiruko na siporo muri Somalia yabitangarije AFP.
Somalia ni kimwe mu bihugu byinshi abaturage bacyo batemerewe gukorera ingendo muri Amerika nk’uko byemejwe n’ubuyobozi bwa Trump.
Abshir yinubira ko Omar Abdulkadir Artan “ari mu basifuzi bubashywe muri Afurika,” akagira ati: “Kumwangira kwinjira muri Amerika no kumubuza kuyobora umukino ntibimugirira nabi ku giti cye gusa”, ahubwo binabangamira ubutabera mu kibuga, gutsinda ubikwiye ndetse na fair play.”
Uyu wahoze ari kapiteni w’ikipe y’igihugu ya Somalia yongeyeho ko abakunzi b’umupira w’amaguru bagomba kumushyigikira muri iki gihe kitoroshye.
